Örugg meðhöndlun matvæla, þrif og sótthreinsun
Hvernig stuðlum við að öryggi matvæla og góðu hreinlæti í eldhúsinu?
Á þessu námskeiði er farið yfir helstu þætti öruggrar meðhöndlunar matvæla og mikilvægi markvissra þrifa og sótthreinsunar.
Áhersla er lögð á fyrirbyggjandi aðgerðir gegn krossmengun, rétta notkun hreinsiefna og áhalda, sem og örugg vinnubrögð við dagleg störf.
Á námskeiðinu er farið yfir:
- Örugga meðhöndlun matvæla: Krossmengun, kælingu og hitun matvæla og hlutverk þrifa og sótthreinsunar í matvælaöryggi.
- Forvarnir gegn krossmengun: Vinnubrögð sem draga úr hættu á að mengun berist milli matvæla, áhalda og yfirborða.
- Hreinsiefni og áhöld: Helstu efni og áhöld í notkun, val þeirra og rétta meðhöndlun.
- Þrifaferli og sótthreinsun snertiflata: Skipulag og framkvæmd þrifa með áherslu á fleti sem oft eru snertir eða komast í snertingu við matvæli.
- Efnaslys og forvarnir: Örugga meðhöndlun hreinlætisefna, fyrirbyggjandi aðgerðir og fyrstu viðbrögð við efnaslysum.
- Persónulegt hreinlæti: Mikilvægi góðs persónulegs hreinlætis við meðhöndlun matvæla.
Fyrir hverja?
Námskeiðið hentar starfsfólki sem vinnur við matvæli eða þrif í stóreldhúsum, á veitingastöðum, í skólum og leikskólum og í annarri matvælastarfsemi.
Markmið námskeiðs
Að þátttakendur öðlist betri þekkingu á matvælaöryggi, þrifum og sótthreinsun og geti nýtt hana til að stuðla að öruggari vinnubrögðum á sínum vinnustað.
Lengd námskeiðs
Um 1 klukkustund.
Verð
12.900 kr. án vsk.